Hotmail Oo Xermi doona dhawaan (Xog Fiican Qaado)

Number of View: 261

hotmail la xeri doonoQorshooyin kala duwan oo ay Shirada Microsoft wado ayaa lagu sheegay ineey isbadal kuwado Adeega Hotmailka oo ay mudo Macaamiisheeda usoo waday kaasoo dadyoow badan wal wal ku abuurtay.

Shirkadda wayn ee Microsoft ayaa waxay qorshaynaysaa inay mardhaw adeeggeeda caanka ah ee Hotmail.com ee E-mailada ay gabi ahaanba ku badasho adeegga cusub ee Outlook.com .

Adeegga Emailada lacag la’aanta ah ee Hotmail wuxuu ka mid yahay adeegyada ugu caansan ee shirkadda Microsoft ay bixiso wuxuuna gacanta MIcrosoft ku jiray ilaa iyo 1998.

Sanadihii u danbeeyay ayaa adeegsadayaal badan oo horay uu isticmaali jiray Hotmail waxay u wareegeen adeegga Emailada Gmail oo ay leedahay shirkadda Google , iyagoo sabab uga dhigayay inuu ka fudud yahay kana casrisan yahay adeegyada Yahoo Mail iyo Hotmail.

>Tallaabadan cusub oo ay shirkadda Microsoft qaadayso ayaa waxaa lagu micneeyay inay tahay sidii shirkadda Microsoft ay tartan xoogan ula gali laheed shirkadda Google isla markaana ay u casriyeen lahayd adeeggeeda.

Adeegga Outlook.com waa adeeg Emailo lacag la’aan ah oo cusub kuna xiran adeegyada kale ee Facebook,twitter, linkedin iyo Skype si qofka dhammaan adeegyada kale ee uu isticmaalo uu hal meel ugala socdo.

Waxa xusid mudan in qofka uu haddaba akawnkiisa hotmail ku gali karo Outlook.com dhammaan Emailadiisa iyo xogtiisa horana aysan waxba ka dhumaynin.Waxyaalaha ugu horeeyo oo qofka indhihiisa soo jiidanayo ayaa waxaa ka mid ah nakhshad cusub oo casri ah iyo adeegyo badan oo shirkadda ay kusoo kordhisay.

Wali shirkadda Microsoft ma aysan sheegin xilliga ay dhammaan adeegsadayaasha u rarayso adeeggan cusub, laakiin waxaa suurto gal ah in qofka uu sii tijaabiyo adeeggan lana sii qabsado isagoo booqanaya www.outlook.com , ka dibna ku qoro akawnkiisa emailka ee Hotmail.

Nalaqosol@GMAIL.COM

Warbaahinta Nalaqosol.com

Categories: AMAZING, FUNNY NEWS

Comments are closed.